Февралиин 21-дэ — тγрэл хэлэнэй Уласхоорондын hайндэр

Уян зулгы эхын зүрхэнhөө,

Урин намдуу эсэгын сэдьхэлhээ

Урдан гарадаг буряад хэлэмнай.

Үнэтэ арюун баян хэшэгнайл.

Үни холын уг гарбалаймнай,

Үбгэн буурал аха заханараймнай

Урдын сагhаа химгадан ябаhан

Улзы hайхан эрдэнимнай гээшэл.

Балагтын хүдөөгэй номой сан соо «Түрэл хэлэнэй hайндэртэ» зорюулhан «Табан сэсэн» гэhэн аймагай номой санда бэлдэгдэhэн оюун ухаанай наадан үнгэрбэ. Номой сан соо «Шэдитэ монсог» — (вязание), «Сэсэн үе» — (Мудрое поколение) гэжэ нэрэтэй сүлөөтэй сагаа үнгэргэхэ клубууд хүдэлнэ. Аха захатан залуушуулаа хүтэлэн, саашань дүй дүршэлөөрөө хубаалдан hургана. Балагтаархин бүхы үнгэргэгдэжэ байhан хэмжээ ябуулгануудта ехэ эдэбхитэйгээр хабаадана.

Номой сангай дарга сугларагшадые хани халуунаар энэ гоё найраар амаршалаад, нааданай гуримтай танилсуулба.

Асуудалай сэдэб ба оноонуудыень хүсэнэг сооhоо бүлэгэй гэшүүд шэлэнэ. Хэрбээ буруу харюу үгтөө hаань, удаадахи бүлэгэй гэшүүдтэ харюусаха эрхэ үгтэнэ. Эгээ олон оноонуудтай бүлэг шүүгээ гэжэ тоологдохо.Олон гүнзэгы удхатай Буддын шажан, Буряад Улас, хүшөөнүүд, уран зохёолшод, оньhон үгэ ба дуунууд тухай асуудалнууд байба, «Би танихаб»( портредээр элитэ хүнүүдые таниха), мүншье оршуулга хэжэ туршабад.

Балагтаархин ехэтэ hонирхожо, олоороо хабаадаба. Зургаан хүсэнэг соо байhан асуудалнууд бүхэн соо арба — жара хүрэтэр оноонууд байгаа..

Эгээ олон оноонуудые хүсэнэг сооhоо бүлэгэй гэшүүд шэлээ: нэгэдэхи hуури Машаева Г.К.— клубай директор, хоёрдохи hуури — Ошорова Е.Н. пенсионер, гурбадахи hуури Бартаева Т.П. — пенсионер эзэлээ.

Нааданай hүүлээр халуун сайгаа бууюулан hуухадаа, hонин нааданда хабаадаhандаа урмашажа, хүхилдэн hуугаад hэн.