«Буузын Баяр»
Сагаалганай hайндэртэ зорюулhан үбэлэй заншалта нааданууд үргэлжэлhөөр.
Гэр бүлын жэлдэ зорюулагдажа, буряад арадай заншалта Сагаалганай найр нааданай үедэ эмхигдэhэн «Буузын Баяр-2024» гэhэн эдеэ хоолой фестиваль-мүрысөөн 3 hомонуудай (Өөрлигэй, Бүрэнголой, Сорогой) зониие суглуулжа, ехэ гэгшын тэмсээн 11 командын хоорондо болобо.
Энэ хэмжээ ябуулгын хабаадагшадые мэндэшэлхэдээ аймагай дарга М.В. Мадасов, болбосоролой хүтэлбэриин дарга Н.Б. Самбялова, ДЭТЦ «Барс»-ын хүтэлбэрилэгшэ Б.Д. Самсонова үбэлэй нааданууд зоной дунда дэлгэржэ, хүн зон эдэбхитэйгээр хабаададаг болоо гэжэ тэмдэглээд, үшөө олон тоото илалтанууд урдамнай гэжэ хэлэбэ.
Бүхы мүрысөөнэй илагшад ба призёрнууд шангуудта хүртэбэ:
Гран придэ — «Хараасгайн бууза» — Д.Б. ба Ч.М-Ж. Аюшинай гэр бүлэ, 1-хи hуурида — «Буузын баяр» — З.А. Гергеновагай гэр бүлэ, 2 hуурида — «Наранай туяа»- Р.Д. ба Э.О. Монголовтоной гэр бүлэ, 3-хи hуурида — «Ахын басагад» Т.В ба А.В. Галсановтанай гэр бүлэ. Бэшэшье гэр бүлын команданууд Аюшеевтэнэй (Орлиг), Базаровтанай (Сорогой «Улыбка» сэсэрлиг), Дугаровтанай (Сорогой hоёдой hургуули), Данцарановтанай (Бүрэнголой hургуули) — Манхановтанай (Бүрэнгол), Ошоровтоной (Бүрэнгол, «Малыш» сэсэрлиг) олон янзын номинацинуудта диилэжэ урмашуулагдаа.
Добавить комментарий
Добавлять комментарии могут только зарегистрированные и авторизованные пользователи.