НАЯН НАҺАНАЙ НАНГИН ОЙ

Сагаан hарын Сагаалганай үдэрнүүдэй эхеэр Аха hайхан нютагаймнай эрхим хүндэтэйшүүлэй нэгэн болохо Валентина Батаевна Тулуева 80 наhанайнгаа нангин ой тэмдэглэбэ.

Дэмбэрэлтэ энэ үдэр Валентина Батаевна үри хүүгэдhээнь, аша зээнэрhээнь, гушанарhаань, олон тоото ахадүүнэрhөөнь, үнаган нүхэдhөөнь үреэлэй hайхан үгэнүүдэй дээжэдэ хүртэн, сэдьхэлээ ханан баярай амаршалгануудые дээрэ тогтоон абаба. Гэхэтэй хамта, Ахын аймагай засаг дарга Матвей Валентинович Мадасов ба аймагай засагай Ветерануудай зүблэл тушаа ниитын хүдэлмэри хүтэлбэрилдэг Нима Намжилович Базаров Валентина Батаевнада «Баярай бэшэг» барюулан амаршалаад, үнэтэ бэлэгээр баярлуулаа.