Оньhон үгэнүүд
Абынгаа байхада хүнүүдээр танилса,
Агтын байхада
газар үзэ.
Абын hургаал алтан шэнги,
Эжын hургаал эрдэни шэнги.
***
Абынгаа үгыдэ — ахань аба,
Эжынгээ үгыдэ — эгэшэнь эжы.
***
Адуунай алаг hайхан,
Аягын алаг муухай.
***
Ахынгаа алдар хүндэлэ,
Дүүгээ дэлэм хүндэлэ.
***
Ахань hургадаг, дүүнь шагнадаг.
***
Хүнэй эреэн дотороо,
Могойн эреэн газаагаа.
***
Нэгэ хүниие мэхэлээ hаа,
Арбан хүндэ мэхэлүүлхэш.
Нэгэ хүниие баhаа hаа,
Хорин хүндэ баhуулхаш.
***
Уулын модод утатай, богонитой
Улад зон муутай,hайнтай.
***
Эрдэмые хэшээлээр hурадаг,
Эрые hургаал олодог.
***
Уула үзөөгүй байгаад,
Хормойгоо бу шама.
Уhа үзөөгүй байгаад,
Гуталаа бү тайла.
***
Хүн хэдышье ухаатай hаа,
Хэлээгүйдэ ойлгохогүй.
Саарhан хэдышье нимгэн hаа,
Хатаагүйгэдэ соорохогүй.
***
Нэгэ үхэрэй эбэрые сохибол,
Мянган үхэрэй эбэр дорьбохо.
***
Өөрөө үмдэгүй ябаад,
Yбдэг соорхойе гайхаха.
***
Ганса түмэн гал болохогүй,
Гансаараа хүн айл гэгдэхэгүй.
***
Буурал толгойтоной үгые шагнажа яба,
Болоhон эдеэнhээ ама хүрэжэ яба.
***
Адуутай айлай урга хугархай,
Хүүгэдтэй айлай аяга эмдэрхэй.
***
Үдэрэй хоолдо эзэн олон,
Үншэн хүндэ ноён олон.
***
Хүнэй hайниие нүхэрлэжэ мэдэхэ,
Мориной hайниие унажа мэдэхэ.
Добавить комментарий
Добавлять комментарии могут только зарегистрированные и авторизованные пользователи.
