Сэрэгшэдэй нэрэ мΥнхэ!
Июлиин 1 — дайн байлдаануудта хабаадаhан эрэлхэг зоригтой ветеран-сэрэгшэдэй γдэр. Энэ үдэр хаа яагүй бүхы баатар хүбүүдээ дурсан нэрыень мүнхэлhэн, ѳѳрынгѳѳ ами бэе хайрлангγй хγн зоноо хамгаалhан, амиды мэндэ үлэжэ, нютагаа бусажа ерэhэн сэрэгшэдэй дурасхаалда зорюулhан хэмжээ ябуулганууд үнгэрнэ.
Yглөөгүүр хүндэтэ айлшаднай Саяан тосхон ошожо, нэгэдэхи Чечен дайнhаа бусажа ерээгүй, «Эрэлхэг зоригой түлөө» ордендо хүртэhэн сэрэгшэ Дамбаев Баир Дашеевичын хүшөөдэ сэсэг даруулга (венок) табибад. «Ахын аймаг» гэhэн засагай нютагай байгууламжын засаг даргын орлогшо. Б.С.Бакшаханова, «Защитники Отечества» гэhэн тусхай операциин сэрэгшэдые дэмжэhэн гүрэнэй фондын ниигэмэй координатор Т.С. Сотникова Б.О.Хумаев, П.С. Иванов ба бусад хүбүүд. басагад дулаан үгэнүүдээр нютагайнгаа шэн габъяатай хүбүүе дурдабад.
Ѳѳрлигэй Модельнэ номой сан соо энэ үдэр дайнай байлдаануудта эрэлхэг зоригтойгоор хабаадаhан баатар сэрэгшэдтэй уулзалга болобо. Энэ уулзалгын хүндэтэй айлшад хэд бэ гэбэл, Б.О. Хумаев, Б.Н. Хумаев, Н.Н. Дамбаев, П.С.Иванов, Б.В. Сыренов, А.С. Сыренов — тусхай операциhаа ерэhэн. Уулзалгада хабаадагшадта Н.Н.Дамбаев ба П.С.Иванов сэрэгшэдэй урда табигдаhан дайн байлдаанай зорилгонууд, тэдэнэй хүндэ хүшэрые яажа дабажа гараhан тухай үхибүүдтэ хөөрэжэ үгэбэд.
«Защитники Отечества» гэhэн тусхай операциин сэрэгшэдые дэмжэhэн гүрэнэй фондын ниигэмэй координатор Т.С.Сотникова баяр баясхалан хүргөөд, амаршалгын ольhотой дулаан баярай үгэнүүдые хэлэбэ.
Ѳѳрлигэй hургуулиин hурагшадые хүмүүжүүлгын талаар захиралай зүблэгшэ Баярма Дырхеева түрүүтэй «Движение первых» гэhэн нютагай таhагай эдэбхитэйшүүл хабаадалсажа, үгэ хэлэhэн 10-хи ангиин hурагша Иванов Амгалан «Алдар cолото сэрэгшэдтээ доро дохинобди. Дайн дахин бү болоhой!», — гэжэ тусгаарлан тэмдэглэбэ.
Эдэ баатарнууд тухай мүнхэ дурасхаал нютагаймнай хүн бүхэн сэдьхэл зүрхэндѳѳ хэтын хэтэдэ нангинаар хадагалжа байхал!
Добавить комментарий
Добавлять комментарии могут только зарегистрированные и авторизованные пользователи.
