Амаршалнабди!
Июниин 8-да Гүрэнэй оперо ба баледэй театрай танхим соо олон жэлдэ эбтэй эетэй ажаhуужа, олон хүүгэдые үргэжэ хүнэй хэмдэ хүргэhэн хүндэ ехэтэй гэр бүлэнүүдые Буряад Уласай Толгойлогшо А.Цыденов хани халуунаар амаршалаад, медальнуудые зүүлгээ.
Манай нютагhаа 53 жэлэй туршада бэе бэеэ дүнгэлсэжэ, 4 үхибүүдые хүл дээрэнь бодхоожо табиhан ажалай ветеранууд Цыпилма Жамьяновна ба Галсан Сономович Хайдаковтан энэ ехэ шанда хүртэбэд.
Аха нютагаймнай Галсан хүбүүн Буряадай хүдѳѳ ажахын техникум дүүргэжэ «Электрик» мэргэжэлтэй болоо. Бүхы наhан соогоо ажаябуулгаяа Ахын аймагай электрижүүлгэдэ зорюулаа: жиирэй хүдэлмэрилэгшэhээ РЭС-эй ноён болотороо ургаа.
Сэнхир хүхэ нуурнуудаар мэлмэрhэн тала дайдаар баян Ярууна нютагhаа гарбалтай Цыпилма Жамьяновна Ахын аймагай Шүүлгын газарта нарин бэшээшээр, Сэрэгэй комиссариадта, аюулгүй байдалай албанда үни удаан соо хүдэлѳѳ.
Хүндэтэ Цыпилма Жамьяновна ба Галсан Сономович!
Гэр бүлын, инаг дуранай, үнэн сэхэ харилсаанай үдэрөөр!
Добавить комментарий
Добавлять комментарии могут только зарегистрированные и авторизованные пользователи.
